Предјадење

Телешка паштета

Варено телешко и зеленчук поминати низ машина за месо и врзани со мајонез. Домашна паштета што се сече со лажица.

Рецепт од Каролина Петковска · Brampton, ON

Телешка паштета — Рецепт од Каролина Петковска — Вкупно: 1 ч 55 мин

Потребни продукти 9 состојки

Измијте го месото и излупете го зеленчукот. Ставете сѐ во лонец со вода, зачинето со зачинот и солта.
Варете додека месото не се свари сосема — околу еден и пол саат. Готово е кога вилушката влегува без отпор и месото се раздвојува само од себе.
Исцедете ги од водата и оставете ги малку да се оладат. Не мелете врело — машината се затнува и смесата станува кашеста.
Сомелете сѐ во машина за мелење месо. Ако сакате погруба паштета, поминете ја само еднаш; за помазна, двапати.
Во мелената смеса додајте го мајонезот. Може и повеќе од 250 мл, зависно од вкусот — паштетата треба да биде мазна, но не течна.
Додајте малку сенф и црн пипер и измешајте ја целата смеса добро. Пробајте и досолете ако треба.
Сервирајте во длабока чинија, премачкана одозгора со мајонез. Оставете во фрижидер најмалку два саата пред служење за да се стегне.

Замени што работат надвор од Македонија.

Телешко месо: Јунешка плешка или пилешки бут — потребно е месо што при долго варење се раскинува лесно.
Мајонез: Половина мајонез и половина густ грчки јогурт, за полесна паштета.
Зачин „Вегета“: Прашак од супа со сушен магдонос и целер.