Пити и тесто Посно
Ѓевречиња
Прстени од тесто што прво се варат во медена вода, па се валкаат во сусам и се печат. Посни се како што се напишани.
Рецепт од Кире Банишки · Toronto, ON
- Подготовка
- 1 ч 30 мин
- Готвење
- 25 мин
- Вкупно
- 1 ч 55 мин
- Пост
- Посно
Потребни продукти 7 состојки
Начин на приготвување
- Замесете ги брашното, квасецот, солта и шеќерот со вода за да добиете средно меко тесто. Месете десетина минути додека не стане мазно и еластично.
- Оставете го тестото покриено на топло да кисне додека не се удвои, околу еден саат.
- Поделете го на 12 еднакви делови. Од секој дел израбетете јаже долго околу 25 см и спојте ги краевите во прстен, притискајќи ги добро да не се отворат при варењето.
- Во широко тенџере сварете еден литар вода со три лажици мед. Медот е тоа што им дава сјај и лесна карамелна боја на ѓевречињата.
- Спуштајте ги ѓевречињата во зовриената вода по неколку одеднаш, за да не се допираат. Штом ќе се кренат над водата, вадете ги со решеткаста лажица.
- Веднаш, додека се уште влажни, валкајте ги во доста сусам од сите страни — на суво ѓевретче сусамот не се лепи.
- Редете ги на намастена тепсија и печете на појак оган, 220 °C, околу 20–25 минути додека убаво не поруменат.
- Препорачуваме да се јадат веднаш, со овчо сирење или со џем од кајсии.
Ако не можете да го најдете
Замени што работат надвор од Македонија.
- Мед во водата
- Две лажици шеќер или сируп од јачмен; ефектот врз бојата е сличен.
- Свеж квасец
- 7 г сув квасец, растворен во малку млака вода со прстофат шеќер.
- Сусам
- Црн сусам, семки од афион или мешавина од двете.
