Кифлички со сирење

Начин на приготвување

1. Изронете ги двата квасци во тенџере, додајте 3 лажички шеќер, 2 лажички сол и малку млако млеко од половината килограм за да се растворат. Потоа додајте 8 лажици брашно и остатокот од млакото млеко.
2. Покријте со капак и крпа или ќебе и оставете да кисне додека тестото не збувне.
3. Кога ќе збувне, додајте ги трите избиени јајца, 3 финџали масло и брашно колку што прима за да биде тестото меко. Оставете го повторно да кисне.
4. Кога ќе збувне по вторпат, размешајте го и поделете го на 2 еднакви дела, а секој дел на по 6 — така добивате 12 пупалиња. Оставете ги покриени да киснат додека не се исуши површината.
5. Од секое пупале рашрете тркалезна кора колку чинија. Исечете ја прво накрст на 4 дела, па секој дел на уште 3 — вкупно 12 триаголници.
6. На секој триаголник ставете дробено бело сирење со јајце и завиткајте од поширокиот дел кон врвот. Врвот мора да легне надолу врз тавата, инаку кифличките се отвораат при печењето.
7. Наредете ги на тава, премачкајте ги со четка со две избиени жолчки и по желба посипете сусам или ким.
8. Од маргаринот со ноже одделете мали деланчиња и ставете по едно врз секоја кифличка. Ако имате две тави, поделете го маргаринот на два дела за да стигне насекаде.
9. Печете во загреана рерна на 200 °C додека убаво не заруменат, околу 25–30 минути. Кога ќе се оладат, можете да ги замрзнете во добро затворена кутија.