Баклава

Начин на приготвување

1. Натопете го сувото грозје во румот и оставете го настрана додека ги подготвувате останатите состојки.
2. Со миксер избијте ги јајцата и шеќерот додека убаво не згуснат, па додајте го маргаринот и бијте пак за да се разреди.
3. Мешајќи, додајте ги гризот, мелените и кршените ореви, брашното од рогушки ако го имате, ренданата кора од лимон, ванилиниот шеќер и на крај сувото грозје со румот. Измешајте добро.
4. Корите редете ги во подмачкана правоаголна тава со големина на корите: ред кора, па попрскајте ред масло. Така наизменично додека не потрошите половина од корите.
5. Ставете го филот и разредете го рамномерно насекаде, па повторете ја истата постапка со останатите кори. Најгоре мора повторно да се попрска масло.
6. Исечете ја баклавата по должина на тавата на 3 еднакви дела, па напречно на 6, за да добиете коцки. Потоа секоја коцка пресечете ја уште еднаш дијагонално ако сакате триаголници. Сечењето мора да биде пред печењето и мора да оди до дното.
7. Печете во претходно загреана рерна на 240 °C додека не зарумени одозгора, околу 40–45 минути.
8. Во меѓувреме подгответе го шербетот: шеќерот и ванилиниот шеќер ставете ги во 900 мл вода и варете мешајќи додека не почне да врие и да се згуснува. Оставете да поврие уште околу 4 минути, па тргнете го настрана да се излади дотолку што со малиот прст да можете да издржите десетина секунди.
9. Прелијте ја врелата баклава со подготвениот шербет и оставете ја да преноќи. Не се сече и не се служи истиот ден — шербетот му треба ноќ да навлезе низ сите слоеви.