Полнета охридска пастрмка

Начин на приготвување

1. Измијте ги рибите однатре и однадвор и исушете ги добро. Посолете ги, попрскајте ги со сокот од половина лимон и оставете ги 20 минути на ладно.
2. Измијте го спанаќот лист по лист и потопете го во врела вода десетина секунди, па веднаш во ладна. Исцедете го со раце — колку повеќе вода извадите, толку подобро ќе се држи филот.
3. Динстајте го ситно исецканиот кромид и лукот во малку масло додека не омекнат, па додајте го исцедениот и сецкан спанаќ и држете две минути.
4. Изладете ја смесата, па вмешајте го изронетото сирење, едно јајце, половина од павлаката, копарот, сол и бибер. Мора да е оладена, инаку јајцето се стега веднаш.
5. Наполнете ја секоја риба со филот и затворете го отворот со чепкалки. Не преполнувајте — филот се шири при печењето.
6. Наредете ги во подмачкан сад, премачкајте ги со маслото и остатокот од павлаката измешана со второто јајце и наредете тенки кругови лимон одозгора.
7. Печете на 200 °C околу 30–35 минути, додека кожата не порумени, а филот не се стегне. Оставете пет минути пред служење.