Гибаница

Начин на приготвување

1. Во тавче загрејте 3–4 лажици масло и пржете го ситно исецканиот кромид додека малку не порумени.
2. Додајте го меленото месо, дробете го со вилушка и пржете го. Кога ќе се испржи, додајте лажица вегета и малку црн пипер, измешајте и тргнете го настрана околу 5 минути да се олади.
3. На оладеното месо додајте 2 јајца и павлаката или јогуртот и измешајте да се разреди. Мора да биде оладено — на врело месо јајцата се стегаат веднаш.
4. Во филџан ставете масло и земете мало лажиче. Подмачкајте правоаголна тава (или тркалезна, само не премала) убаво и насекаде.
5. Редете ред кора, па ред попрскајте масло со лажичето. Така продолжете додека не потрошите половина од корите. Ставете го месото над корите, па повторно ред кора и ред масло додека не ги наредите сите. На последната кора попрскајте повеќе масло од претходните.
6. Не употребувајте помалку од половина филџан масло, ниту повеќе од еден — со помалку корите остануваат суви, со повеќе гибаницата станува премрсна.
7. Печете во загреана рерна на 240 °C додека горната кора не поцрвени, околу 35–40 минути.
8. За гибаница со сирење: изматете ги јајцата, додајте дробено сирење и павлака или јогурт, измешајте и редете на истиот начин. За гибаница со сирење и спанаќ: спанаќот измијте го лист по лист, исецкајте го ситно, пропржете го во малку масло и додајте го на смесата со сирењето. Печењето е исто.