Чорба од компири

Начин на приготвување

1. Загрејте го маслото во потежок сад и динстајте ги кромидот и морковот на тивок оган околу десет минути, додека кромидот не омекне. Додајте ја исечканата пиперка и оставете уште пет минути.
2. Вмешајте ги лукот и изренданиот домат и оставете да се крчка додека доматот не го изгуби суровиот мирис и маслото не почне да се одделува по рабовите, околу пет минути.
3. Додајте ги компирите, ловоровите листа, сол и пипер и превртете ги во садот минута-две за да се обвијат со маснотијата.
4. Наливајте вода да ги покрие за два прста, доведете до вриење, потоа намалете и варете покриено дваесет и пет минути, додека ножот не влегува во коцка без отпор.
5. Направете запршка: во мало тавче загрејте две лажици масло, вмешајте го брашното и пржете додека не замириса на печено и не добие боја на песок, па тргнете од оган и додајте ги алевата пиперка и ајварот.
6. Разредете ја запршката со кутлаче врела чорба, размешајте да нема грутки и вратете ја во садот.
7. Со грбот на лажица згмечете десетина коцки компир од внатрешната страна на садот — тоа, повеќе од брашното, ја прави чорбата густа. Варете уште пет до десет минути.
8. Тргнете од оган, вмешајте го магдоносот и оставете да отстои десет минути пред служење. Вториот ден е подобра.